പൂമരത്തണലില്‍ ഡെയിലി

മനോരമ വീഡിയോ

2009-07-04T20:57:00.000-07:00

ഇന്നു രാവിലെ മനോരമ വീഡിയോ സൈറ്റ് നോക്കിയ ഞാന്‍ ഞെട്ടി പോയി . കാരണം അറിയണമെങ്കില്‍ താഴെ നോക്കുക

പര്‍ദ്ദ ഫ്രാന്‍സ് സ്വാഗതം ചെയ്യില്ല - സര്‍ക്കോസി

2009-06-22T21:04:00.000-07:00

സ്ത്രീകള്‍ക്ക് ഇസ്ലാം നിഷ്കര്‍ഷിക്കുന്ന ബുര്‍ഖ അഥവ പര്‍ദ്ദ മതപരമായ ചിഹ്നം ആയല്ല, മറിച്ച് സ്ത്രീകളെ തരംതാഴ്ത്താനുള്ള ഉപാധി ആയിട്ടാണ് ഫ്രാന്‍സ് കാണുന്നത് എന്ന് ഫ്രഞ്ച് പ്രസിഡണ്ട് നിക്കോളാസ് സാര്‍ക്കോസിവ്യക്തമാക്കി. കഴിഞ്ഞ ഏതാനും ദിവസങ്ങളായി ഫ്രാന്‍സില്‍ സജീവമായ ബുര്‍ഖാ വിവാദത്തിന്റെപശ്ചാത്തലത്തില്‍ ആണ് പ്രസിഡണ്ടിന്റെ ഈ പരാമര്‍ശം.

ഫ്രാന്‍സില്‍ മുസ്ലിം വനിതകള്‍ പൊതു സ്ഥലത്ത് ദേഹം മുഴുവന്‍ മൂടി പ്രത്യക്ഷപ്പെടുന്നത് ഫ്രഞ്ച്മതേതരത്വത്തിനും സ്ത്രീകളുടെ അവകാശങ്ങള്‍ക്കും നേരെയുള്ള വെല്ലുവിളി ആണെന്നും ഇതിനെതിരെസ്വതന്ത്രമായ ഒരു അന്വേഷണം നടത്തണമെന്നും ഫ്രഞ്ച് പാര്‍ലമെന്റില്‍ ആവശ്യം ഉയര്‍ന്നതിനെ തുടര്‍ന്ന് കഴിഞ്ഞദിവസങ്ങളില്‍ ഇത് ഫ്രാന്‍സില്‍ വന്‍ ചര്‍ച്ചക്ക് ഇടയാക്കിയിരുന്നു.

തങ്ങളുടെ രാജ്യത്ത് മൂടുപടത്തിനു പുറകില്‍ തടവുകാരെ പോലെ സ്ത്രീകള്‍ ഒളിക്കേണ്ടി വരുന്ന ദുരവസ്ഥഅനുവദിക്കാനാവില്ല. തങ്ങളുടെ വ്യക്തിത്വം നഷ്ടപ്പെട്ട് ഇത്തരത്തില്‍ സാമൂഹികമായി വേര്‍പെടുത്തപ്പെട്ട്കഴിയുന്ന സ്ത്രീത്വമല്ല ഫ്രഞ്ച് റിപ്പബ്ലിക്കില്‍ സ്ത്രീകളുടെ അന്തസ്സിനെ കുറിച്ചുള്ള സങ്കല്‍പ്പം എന്നും ഫ്രഞ്ച്പ്രസിഡണ്ട് അറിയിച്ചു. മതത്തിന്റെ പേരില്‍ ഇത്തരത്തില്‍ സ്ത്രീകളെ താഴ്ത്തിക്കെട്ടുന്ന ഈ ഏര്‍പ്പാട് ഫ്രഞ്ച്മണ്ണില്‍ സ്വാഗതം ചെയ്യില്ല എന്നും അദ്ദേഹം വ്യക്തമാക്കി.

പണ്ടും വസ്ത്രമിടുന്ന സ്ത്രീകളെ സര്‍ക്കോസിക്ക് വെറുപ്പായിരുന്നു. രണ്ടാം ഭാര്യയായ മോഡല്‍കാര്‍ല ബ്രൂണിയുടെ നഗ്ന ചിത്രങ്ങള്‍ ഈയിടെയാണ് ലേലത്തില്‍ വില്‍ക്കപ്പെട്ടത്.

LDF എന്ത് കൊണ്ടു തോറ്റു

2009-06-22T19:35:00.000-07:00

ഇതൊന്നു കണ്ടു നോക്ക്.. എല്ലാം മനസിലാകും...!

ഫ്ലിക്കര്‍ ഫോട്ടോ

2009-06-14T00:30:00.000-07:00

ഫ്ലിക്കറില്‍ നിന്നും http://www.flickr.com/photos/stevewall/3577582709/

മാക്രോ ഫോട്ടോഗ്രാഫി

2009-06-13T09:24:00.000-07:00

ഫ്ലിക്കര്‍ പേജില്‍ നിന്നും.... ഇവിടെ ക്ലിക്ക് ചെയ്യുക..http://www.flickr.com/photos/12468934@N00/

എയര്‍ ഫ്രാന്‍സ് ജെറ്റിന്റെ വെര്‍ട്ടിക്കല്‍ സ്ടെബിലൈസര്‍ കണ്ടെടുത്തു

2009-06-09T04:00:00.000-07:00

ആപ്പിള്‍ പുതിയ ഐഫോണ്‍ (32 gb) പുറത്തിറക്കി

2009-06-09T02:47:00.000-07:00

ആപ്പിള്‍ പുതിയ ഐഫോണ്‍ (32 gb) പുറത്തിറക്കി. ഇതില്‍ 7000 പാട്ടുകളോ അല്ലെങ്കില്‍ 40 മണിക്കൂര്‍ വിഡിയോവോ സ്റ്റോര്‍ ചെയ്യാന്‍ പറ്റുന്നതാണ്. കൂടാതെ, കൂടുതല്‍ ബാറ്ററി ലൈഫ്, ഡിജിറ്റല്‍ കോമ്പസ്, പാരെന്റല്‍ യൂസര്‍ കണ്ട്രോള്‍ എന്നിവയും ഉണ്ട്.ഇതിന്റെ വില അമേരിക്കയില്‍ 299 ഡോളറ് മാത്രം. അതായത് 14000 ഇന്ത്യന്‍ റുപീസ്‌. പക്ഷെ ഇന്ത്യയില്‍ എത്തുമ്പോള്‍ ഇതിന്റെ വില ഏകദേശം 35000 ആയിരിക്കുമെന്ന് മാത്രം. എപ്പോഴാണ് ഏത് ഇന്ത്യയില്‍ ലഭ്യമാകുക എന്നതിനെ കുറിച്ചു വിവരം ആയിട്ടില്ല. ഇപ്പൊ തന്നെ കിട്ടിയേ അടങ്ങൂ എന്നാണെങ്കില്‍ 'ആമസോണ്‍' മുഖേനയോ അല്ലെങ്കില്‍ 'ഇബേ' മുഖേനയോ മേടിക്കാവുന്നതാണ്. അല്ലെങ്കില്‍ പിന്നെ അമേരിക്കയില്‍ നിന്നും ഇന്ത്യയിലേക്ക്‌ വരുന്ന (കല്യാണം കഴിച്ചു ഭര്‍ത്താവിനെ അമേരിക്കയില്‍ കൊണ്ടു പോവാന്‍ വേണ്ടി വരുന്ന) ഏതെങ്കിലും ഒരു കോട്ടയം കാരി നേഴ്സ് മുഖേനയോ ആവാം.

ഇതിലെ ഡിജിറ്റല്‍ കോമ്പസ്സ് സിസ്റ്റം വഴി, മൊബൈല്‍ കാണാതാവുകയോ അല്ലെങ്കില്‍ മോഷണം പോകുകയോ ചെയ്‌താല്‍ ട്രാക്ക് ചെയ്തു കണ്ടു പിടിക്കാവുന്നതാണ്. മൊബൈല്‍ കാണാതാവുമ്പോള്‍ വെബ്സൈറ്റ് മുഖേന നഷ്ടപ്പെട്ട സ്ഥലം മനസിലാകാന്‍ സാധിക്കുന്നതാണ്. കണ്ടു കിട്ടുന്നില്ലെങ്കില്‍ വെബ്സൈറ്റ്- ല്‍ ഉള്ള ഒരു ബട്ടണ്‍ ക്ലിക്ക് ചെയ്‌താല്‍ ഫോണില്‍ ഉള്ള എല്ലാ ഡാറ്റകളും ഡിലീറ്റ് ചെയ്യപ്പെടും. അതുകൊണ്ട് കള്ളന്മാരെ സൂക്ഷിക്കുക..ഈ ബ്ലോഗ് വായിക്കുന്ന എല്ലാ കള്ളന്മാര്‍ക്കും ഇതൊരു താക്കീതാണ്.

3 മെഗാ പിക്സല്‍ ക്യാമറയും 3.5 വലുപ്പമുള്ള സ്ക്രീനും. ഇതില്‍ കൂടുതല്‍ ഇനിയെന്താണ് വേണ്ടത്.. നോക്കിയയും സാംസങ്ങും സോണിയും മറ്റുള്ളവരും ഈ ഫോണ്‍-നെ നേരിടാന്‍ എന്ത് ചെയ്യും എന്നാലോചിച്ചു മൂക്കത്ത്‌ വിരല്‍ വെച്ചിരിപ്പാണ്. നോക്കിയയുടെ ലേറ്റസ്റ്റ് മോഡല്‍ N97 , ബ്ലാക്ക്‌ ബെറിയുടെ സ്റ്റോം , പാമിന്റെ പ്രീ എന്നിവയാണ് ഐ ഫോണിന്റെ പ്രധാന എതിരാളികള്‍. ഇതില്‍ പാമിന്റെ പ്രീ ആണ് കൂടുതല്‍ പോപ്പുലര്‍.

ചൈനയുടെ 'made in India' മരുന്നുകള്‍

2009-06-08T20:09:00.000-07:00

ഡ്യൂപ്ലിക്കേറ്റ്‌ ഉണ്ടാക്കുന്ന കാര്യത്തില്‍ ചൈനയെ വെല്ലാന്‍ ഈ ലോകത്ത് ആര്‍ക്കുമാകില്ല എന്നത് ഒരു പരമ സത്യം. ഇനി അങ്ങിനെ ആര്‍ക്കെങ്ങിലും മോഹമുണ്ടെങ്കില്‍ അതങ്ങ് പള്ളിയില്‍ പോയി പറഞ്ഞേര്. കുന്നംകുളത്തുകാര്‍ ഒരു കയ്യ് നോക്കിയതാണ് പണ്ടു. പക്ഷെ ചൈനയില്‍ നിന്നുമുള്ള ഡ്യൂപ്ലിക്കേറ്റ്‌ സൂപ്പര്‍മാര്‍ക്കറ്റ്‌ ചെയിനുകള്‍ നാട്ടിലെമ്പാടും തുടങ്ങിയതോടു കൂടി അവരാ ശ്രമം കൈവെടിഞ്ഞു.

ചൈനയില്‍ നിന്നിറങ്ങിയ milk products-ല്‍ പ്ലാസ്റ്റിക് ഉത്പാധനതിനുപയൊഗിക്കുന്ന മെലാമിന്‍ കണ്ടെത്തിയതിനെ തുടര്‍ന്ന് പല രാജ്യങ്ങളും ചൈനയില്‍ നിന്നുള്ള ഉത്പന്നങ്ങള്‍ നിരോധിച്ചിരുന്നു. ഇപ്പോള്‍ ചൈനാക്കാര്‍ പുതിയ ഒരു സംരംഭം ആരംഭിച്ചിരിക്കുന്നു. ഇന്ത്യയുടെ മരുന്നുകള്‍ എന്ന പേരില്‍ ആഫ്രിക്കയിലേക്ക് ഡ്യൂപ്ലിക്കേറ്റ്‌ മരുന്നുകള്‍ കയറ്റുമതി ചെയ്യല്‍. ലോകത്തുള്ള ഏത്‌ അസുഖവും കയ് നീട്ടി സ്വീകരിക്കുന്ന കാര്യത്തില്‍ ഇന്ത്യക്കാര്‍ ഒരു പിശുക്കും കാട്ടാറില്ല. അതുകൊണ്ട് തന്നെയാണ് പല multi national കമ്പനികളും ഇന്ത്യയില്‍ തമ്പടിച്ചു കൊണ്ടിരിക്കുന്നത്. ഇന്ത്യയില്‍ നിന്നും വളരെയധികം മരുന്നുകള്‍ പല രാജ്യങ്ങളിലേക്കും കയറ്റു മതി ചെയ്യപ്പെടുന്നുമുണ്ട്. ഇന്ത്യയില്‍ നിന്നുള്ള മരുന്നുകള്‍ക്ക് വില കുറവായതിനാല്‍ ആഫ്രിക്ക പോലെ പല രാജ്യങ്ങളും ടണ്‍ കണക്കിന് മരുന്നുകള്‍ ഇറക്കുമതി ചെയ്യുന്നുമുണ്ട്. ഇതു കണ്ടാണ്‌ ചൈനയിലെ ചില മരുന്ന്കച്ചവടകാര്‍ ഈ പണി ആരംഭിച്ചിരിക്കുന്നത്‌. ഇതിനകം പലപ്പോഴായി അവര്‍ കയറ്റിയയച്ചത് ആയിരക്കണക്കിന്മരുന്നുകള്‍.

കഴിഞ്ഞ ആഴ്ച നൈജീരിയയിലെ നാഷണല്‍ ഏജന്‍സി ഫോര്‍ ഫുഡ്‌ ആന്‍ഡ്‌ ഡ്രഗ് അഡ്മിനിസ്ട്രീഷന്‍ ആന്‍ഡ്‌ കണ്ട്രോള്‍ ആണ് കണ്ടെത്തിയത്. ആന്റി മലെറിയന്‍ ഡ്യൂപ്ലിക്കേറ്റ്‌ മരുന്നുകള്‍ ആണ് made in india യുടെപേരില്‍ വില്‍ക്കുന്നതായി കണ്ടെത്തിയിട്ടുള്ളത്. ഈ മരുന്നൊക്കെ കഴിച്ചു നൈജീരിയക്കാര്‍ മലറിയ പരത്തുന്നകൊതുകായ അനോഫെലാസ് ഗാംബിയ പോലെയാകാതിരുന്നാല്‍ നന്ന്.

ചൈന അങ്ങിനെ വീണ്ടും അല്ലെന്കിലെ. ഡ്യൂപ്ലിക്കേറ്റ്‌ ഉണ്ടാകുന്ന കാര്യത്തില്‍ തങ്ങളെ വെല്ലാന്‍ ഈ ഭൂലോകത്ത്‌ ആരുമില്ല എന്ന്. ജയ്‌ ഹൊ ചൈന..

വിമാനാപകടം: 17 മൃതദേഹങ്ങള്‍ കണ്ടെടുത്തു

2009-06-06T12:44:00.000-07:00

അറ്റ്ലാന്‌റിക് സമുദ്രത്തില്‍ തകര്‍ന്നുവീണ എയര്‍ഫ്രാന്‍സ് വിമാനത്തിലെ 17 യാത്രക്കാരുടെ മൃതദേഹങ്ങള്‍ ഞായറാഴ്ച കണ്ടെടുത്തതായി ബ്രസീലിയന്‍ വ്യോമയാന വക്താവ് അറിയിച്ചു. കടലില്‍ തിരച്ചില്‍ നടത്തുന്ന ബ്രസീലിയന്‍ സംഘം ഒന്‍പത് മൃതദേഹങ്ങളും ഫ്രഞ്ച് സംഘം എട്ട് മൃതദേഹങ്ങളുമാണ് കണ്ടെടുത്തത്.

കണ്ടെത്തിയ മൃതദേഹങ്ങളില്‍ നാലെണ്ണം സ്‌ത്രീകളുടേതും നാലെണ്ണം പുരുഷന്മാരുടേതുമാണ്‌. ശേഷിച്ച മൃതദേഹങ്ങള്‍ വ്യക്തമായി തിരിച്ചറിയാനായിട്ടില്ല. കണ്ടെടുത്ത മൃതദേഹങ്ങള്‍ എയര്‍ഫ്രാന്‍സിലെ യാത്രക്കാരുടേതാണെന്ന് സ്ഥിരീകരിച്ചിട്ടുണ്ട്. വിമാനത്തിന്‌റെ കൂടുതല്‍ അവശിഷ്ടങ്ങള്‍ കടലില്‍ നിന്ന് കണ്ടെടുത്തിട്ടുണ്ട്.

കഴിഞ്ഞ തിങ്കളാഴ്ചയാണ് 228 പേരുമായി ബ്രസീലിലെ റിയോ ഡി ജയ്നീറോയില്‍നിന്നും പാരീസിലേക്ക്‌ പോയ വിമാനം അപകടത്തില്‍പ്പെട്ടത്.

അടൂരിന്റെ പുതിയ ചിത്രം ഒന്നര പെണ്ണും രണ്ടുമൂന്നു ആണുങ്ങളും

2009-06-06T03:41:00.000-07:00

അടൂരിന്റെ പുതിയ പടം 'ഒന്നര പെണ്ണും രണ്ടു മൂന്നു ആണുങ്ങളും' ചിത്രീകരണം തുടങ്ങി. ഈ സിനിമ 2009-ല്‍തന്നെ മുഴുമിപ്പിക്കുമെന്നു അടൂര്‍ പ്രസ്താവിച്ചു. തന്‍റെ മുമ്പത്തെ രണ്ടു പടങ്ങളും (നാലു പെണ്ണുങ്ങള്‍, രണ്ടുപെണ്ണും ഒരാണും) വന്‍ ഹിറ്റായതിന്റെ (അവാര്‍ഡ്‌ മേളകളില്‍ ) സാഹചര്യത്തില്‍ ആണ് ഇങ്ങിനെയൊരുസാഹസത്തിനു മുതിരുന്നതെന്ന് അണിയറക്കാര്‍..

അടുത്ത വര്‍ഷത്തെ ചലച്ചിത്ര അവാര്‍ഡും തനിക്ക് തന്നെ കിട്ടണമെന്ന വാശിയിലാണ് അടൂര്‍. അടുത്ത ജൂറിചെയര്‍മാന്‍ കാസറവല്ലിയല്ല ഇനി കുമ്പള വല്ലിയായാലും അതില്‍ മാറ്റമൊന്നും വരാന്‍ സാധ്യതയില്ല എന്നാണുഅറിയാന്‍ കഴിഞ്ഞത്.. കൂടാതെ മന്ത്രി അവര്‍കള്‍ ബേബി ചേട്ടന്‍ താങ്ങും തണലുമായി നില്‍ക്കുകയുമാണല്ലോ..

ഒന്നര പെണ്ണായി ആരെ കാസ്റ്റ് ചെയ്യുമെന്ന വേവലാതിയിലാണ് അടൂര്‍ ചേട്ടനിപ്പോള്‍. ഹിന്ദിയില്‍ നിന്നും കൊണ്ടുവന്നാലോ എന്നും ആലോചനയുണ്ട്.. ഒന്നര പെണ്ണായി അഭിനയിക്കാന്‍ എന്തുകൊണ്ടും യോഗ്യത ഉണ്ടായിരുന്നകാവ്യയെ ഇനി കിട്ടുമോന്നു തോന്നുന്നുമില്ല..കല്യാണം കഴിഞ്ഞാലും അഭിനയിക്കുമെന്നൊക്കെ പറഞ്ഞിട്ട് പിന്നീട്ഒരു അഡ്രസ്സും ഇല്ലല്ലോ.. ഇനി ഇറാനില്‍ നിന്നോ പോളണ്ടില്‍ നിന്നോ ഇറക്കുമതി ചെയ്താലോ എന്നുംആലോചന ഇല്ലാതില്ല..

ചന്ദ്രന്‍ ചേട്ടോ.. അടുത്ത തവണയും, കിട്ടാത്ത മാങ്ങ പുളിക്കും എന്നാണു തോന്നുന്നത്. അടുത്ത വര്‍ഷത്തെഅവാര്‍ഡ്‌ ദാന ചടങ്ങുകള്‍ക്ക് ശേഷം തുടങ്ങേണ്ട വാദ പ്രതിവാദങ്ങള്‍ക്ക് ഇപ്പോള്‍ തന്നെ റിഹേഴ്സല്‍തുടങ്ങുകയും ചെയ്യാം..

അതിനിടെ രണ്ടു പെണ്ണും ഒരാണും എന്ന സിനിമ ഒരു സീരിയല്‍ പോലെ തോന്നിയെന്ന് ചന്ദ്രേട്ടന്‍ പറഞ്ഞതില്‍പ്രതിഷേധിച്ചു സീരിയല്‍ പ്രവര്‍ത്തകര്‍ സെക്രട്ടെരിയെട്ടിനു മുമ്പില്‍ ധര്‍ണ നടത്തി. ഇത്തരം തരം താണപ്രസ്താവനകള്‍ സീരിയലിനോട് ജനങ്ങള്‍ക്കുള്ള പ്രതിപത്തി തന്നെ ഇല്ലാതാക്കുമെന്ന് ധര്‍ണ ഉദ്ങാടനം ചെയ്തുസംസാരിക്കവേ ശ്രീമതി മാനസപുത്രി പറഞ്ഞു..

ഫ്ലിക്കര്‍ പേജില്‍ നിന്നും

2009-06-05T19:59:00.000-07:00

ഈ ചിത്രം എടുത്തത്‌ സോണി ക്യാമറ DSC-H1 ഉപയോഗിച്ചു. ഷട്ടര്‍ സ്പീഡ് അഡ്ജസ്റ്റ് ചെയ്തു എന്റെ ആദ്യത്തെ ശ്രമമാണ് ഈ ചിത്രം. എന്റെ മറ്റു ചിത്രങ്ങള്‍ ഈ ലിങ്ക് ക്ലിക്ക് ചെയ്‌താല്‍ കാണാവുന്നതാണ് http://www.flickr.com/photos/12468934@N00/

T-20 ഫിക്സ്ച്ചര്‍

2009-06-05T03:51:00.002-07:00

ഗ്രൂപ്പ് സ്റ്റേജ്

5-6-09 വെള്ളി

ഇംഗ്ലണ്ട്- നെതര്‍ലന്‍ഡ് രാത്രി 9.45

6-6-09 ശനി

ന്യൂസിലന്‍ഡ്- സ്കോട്ലന്‍ഡ് ഉച്ചയ്ക്ക് 2.20,

ഓസ്ട്രേലിയ- വെസ്റ്റിന്‍ഡീസ് വൈകുന്നേരം6.20,

ബംഗ്ലാദേശ്- ഇന്ത്യ രാത്രി 10.20

7-6-09 ഞായര്‍

സ്കോട്ലന്‍ഡ്- ദക്ഷിണാഫ്രിക്ക വൈകിട്ട് 5.50,

ഇംഗ്ലണ്ട്- പാക്കിസ്ഥാന്‍ രാത്രി 9.50,

8-6-09 തിങ്കള്‍

ബംഗ്ലാദേശ്- അയര്‍ലന്‍ഡ് വൈകിട്ട് 5.50,

ഓസ്ട്രേലിയ- ശ്രീലങ്ക രാത്രി 9.50,

9-6-09 ചൊവ്വ

നെതര്‍ലന്‍ഡ്- പാക്കിസ്ഥാന്‍ വൈകിട്ട് 5.50,

ന്യൂസിലന്‍ഡ്- ദക്ഷിണാഫ്രിക്ക രാത്രി 9.50

10-6-09 ബുധന്‍

ശ്രീലങ്ക- വെസ്റ്റിന്‍ഡീസ് വൈകിട്ട് 5.50,

ഇന്ത്യ- അയര്‍ലന്‍ഡ് രാത്രി 9.50

സൂപ്പര്‍ 8

11-6-09 വ്യാഴം

ഡി 1- എ 2 വൈകിട്ട് 5.50,

ബി 2- ഡി 2 രാത്രി 9.50

12-6-09 വെള്ളി

ബി 1- സി 2 വൈകിട്ട് 5.50,

എ 1- സി 1 വൈകിട്ട് 9.50

13-6-09 ശനി

സി 1- ഡി 2 വൈകിട്ട് 5.50,

ഡി 1- ബി 1 രാത്രി 9.50

14-6-09 ഞായര്‍

എ 2- സി 2 വൈകിട്ട് 5.50,

എ 1- ബി 2 രാത്രി 9.50

15-6-09 തിങ്കള്‍

ബി 2- സി 1 വൈകിട്ട് 5.50,

ബി 1- എ 2 രാത്രി 9.50

16-6-09 ചൊവ്വ

ഡി 1- സി 2 വൈകിട്ട് 5.50,

ഡി 2- എ 1 രാത്രി 9.50

സെമി

18-6-09 വ്യാഴം

ഒന്നാം സെമി

രാത്രി 10.00,

19-6-09 വെള്ളി

രണ്ടാം സെമി

രാത്രി 10.00

ഫൈനല്‍

21 ജൂണ്‍

രാത്രി 7.00

എയര്‍ ഫ്രാന്‍സിന് ബോംബ് ഭീഷണി ഉണ്ടായിരുന്നു എന്ന് വെളിപ്പെടുത്തല്‍

2009-06-04T22:54:00.000-07:00

എയര്‍ ഫ്രാന്‍സ് 447 വിമാനം തകര്‍ന്നതിന് കുറച്ചു ദിവസങ്ങള്‍ക്ക് മുന്‍പേ ബോംബ്‌ ഭീഷണീ സന്ദേശം ലഭിച്ചിരുന്നു എന്ന് റിപ്പോര്‍ട്ടുകള്‍ സൂചിപ്പിക്കുന്നു. 228 യാത്രക്കാര്‍ കൊല്ലപ്പെട്ട ഈ അപകടത്തിന്റെ കാരണങ്ങള്‍ ഇതുവരെയും അറിവായിട്ടില്ല. ഈ പുതിയ വെളിപ്പെടുത്തലിന്റെ സാഹചര്യത്തില്‍ ഭീകരാക്രമണം ആണോ ഇതിനു പിന്നില്‍ എന്ന സംശയം ശക്തമാകുന്നു.

ബ്യുനെസ് അയെര്സില്‍ നിന്ന് പാരീസിലേയ്ക്ക് പറക്കുന്ന എയര്‍ ഫ്രാന്‍സ് വിമാനത്തില്‍ ബോംബ്‌ വച്ചിട്ടുണ്ട് എന്ന അജ്ഞാത സന്ദേശം മെയ്‌ 27 ന് അര്‍ജെന്റീന പോലീസിനു ആണ് ലഭിച്ചത്. യാത്രക്കാര്‍ വിമാനത്തില്‍ കയറും മുന്‍പ് പൊലീസ് നടത്തിയ തിരച്ചിലില്‍ ഒന്നും തന്നെ കണ്ടെത്താന്‍ ആയില്ല. ഇതിനാല്‍ അന്നേ ദിവസം 32 മിനിട്ടുകള്‍ വൈകിയാണ് വിമാനം പുറപ്പെട്ടത്‌ എന്ന് എയര്‍ ഫ്രാന്‍സ് വക്താവ് ഇന്ന് വെളിപ്പെടുത്തി.

അജ്ഞാത സന്ദേശവും വിമാന അപകടവും തമ്മില്‍ ബന്ധിപ്പിക്കാന്‍ ആവില്ലെന്നും വിമാന വക്താവ് അറിയിച്ചു. കഴിഞ്ഞ ദിവസം കടലില്‍ നിന്ന് വിമാന അവശിഷ്ടങ്ങള്‍ കണ്ടെത്തുകയുണ്ടായി. എങ്കിലും അപകട കാരണം അറിയാന്‍ സഹായകം ആയ ബ്ലാക്ക്‌ ബോക്സ്‌ ഇതുവരെ കണ്ടെത്താന്‍ കഴിഞ്ഞിട്ടില്ല.

2008 -ലെ ചലച്ചിത്ര അവാര്‍ഡുകള്‍ പ്രഖ്യാപിച്ചു

2009-06-02T23:34:00.000-07:00

2008 -ലെ ചലച്ചിത്ര അവാര്‍ഡുകള്‍ പ്രഖ്യാപിച്ചു
ഏറ്റവും നല്ല നടന്‍ -ലാല്‍
നല്ല നടി-പ്രിയങ്ക
നല്ല ചിത്രം-ഒരു പെണ്ണും രണ്ടാണും
മികച്ച സംവിധായകന്‍ - അടൂര്‍
പ്രതേക ജൂറി അവാര്‍ഡ്‌ - ബയോസ്കോപ്
മികച്ച നവാഗത സംവിധായകന്‍ - മധുപാല്‍ (തലപ്പാവ്)
ജനപ്രീതി നേടിയ ചിത്രം - ഇന്നത്തെ ചിന്താവിഷയം
ഗായിക - മഞ്ജരി
ഗായകന്‍ - ശങ്കര്‍ മഹാദേവന്‍
സംഗീത സംവിധായകന്‍ -
മികച്ച ഛായാഗ്രഹണം - രാധാകൃഷ്ണന്‍
കോമേടിയന്‍ - മാമുക്കോയ

അവശിഷ്ടങ്ങള്‍ എയര്‍ ഫ്രാന്സിന്റെതല്ലെന്നു ബ്രസീല്‍

2009-06-01T05:08:00.000-07:00

ബ്രസീല്‍ എയര്‍ ഫോഴ്സ് കണ്ടെത്തിയ മരപ്പെട്ടി

അറ്റ്ലാന്‍റിക് കടലില്‍ കണ്ടെത്തിയ അവശിഷ്ടങ്ങള്‍ കഴിഞ്ഞ ദിവസം കാണാതായ എയര്‍ ഫ്രാന്‍സിന്‍റേതല്ലെന്നു ബ്രസീല്‍ എയര്‍ഫോഴ്സ്. വിമാനം തകര്‍ന്നു വീണെന്നു കരുതുന്ന സ്ഥലത്തു നിന്നു മരത്തിന്‍റെ ഒരു പെട്ടി ലഭിച്ചതാണ് വ്യോമസേനയെ ഇങ്ങനെയൊരു നിഗമനത്തിലെത്തിക്കാന്‍ കാരണം. കാണാതായ വിമാനത്തില്‍ ഇത്തരം പെട്ടികള്‍ ഉപയോഗിക്കാറില്ല. കടലില്‍ നിന്നു ലഭിച്ച അവശിഷ്ടങ്ങള്‍ പരിശോധിച്ച ശേഷമാണ് ബ്രസീല്‍ ഇക്കാര്യം വ്യക്തമാക്കിയത്.

വിമാനത്തിന്‍റെ അവശിഷ്ടങ്ങളും ബ്ലാക് ബോക്സും കണ്ടെടുക്കാനായി ഫ്രാന്‍സിന്‍റെ മുങ്ങിക്കപ്പല്‍ അപകടം നടന്ന സ്ഥലത്തേക്ക് തിരിച്ചിട്ടുണ്ട്.

ടൈറ്റാനിക് ദുരന്തത്തില്‍ രക്ഷപെട്ട അവസാനതെയാളും മരിച്ചു..

2009-05-31T19:49:00.000-07:00

1912 ഏപ്രിലില്‍ നടന്ന ടൈറ്റാനിക് ദുരന്തത്തില്‍ നിന്നും രക്ഷപെട്ട അവസാനതെയാളും മരിച്ചു. ഇന്നലെ ഇംഗ്ലണ്ടിലെ സൌതംപ്ടന്‍ എന്ന സ്ഥലത്തായിരുന്നു മില്‍വിന എന്ന എലിസബത്ത് ഗ്ലാടീസ്‌ ഡീന്‍ മരിച്ചത്. മരിക്കുമ്പോള്‍ മില്‍വിനക്ക് 97 വയസായിരുന്നു.

ടൈറ്റാനിക് കപ്പലിലെ ഏറ്റവും പ്രായം കുറഞ്ഞ ആളായിരുന്നു മില്‍വിന. അന്ന് മില്‍വിനക്ക് 2.5 മാസം മാത്രം പ്രായം. 1912 ഏപ്രില്‍ 14 അറ്റ്ലാന്റിക് സമുദ്രത്തിലെ മഞ്ഞു കട്ടയില്‍ വെച്ചു ടൈറ്റാനിക് തകരുമ്പോള്‍ മില്‍വിനയുടെ അച്ഛന്‍ മില്‍വിനയുടെ അമ്മയെയും, മില്‍വിനയെയും 1 വയസുള്ള സഹോദരനെയും ഒരു ലൈഫ് ബോട്ടില്‍ ആക്കി താഴേക്ക് ഇറക്കുകയായിരുന്നു. അറ്റ്ലാന്റിക് സമുദ്രത്തിലെ ആ തണുത്തുറഞ്ഞ വെള്ളത്തിലേക്ക്‌. അല്‍പ സമയം കഴിഞ്ഞു കപ്പല്‍ തകരുമ്പോള്‍ 1516 പേരുടെ കൂടെ മില്‍വിനയുടെ അച്ഛനും മരിക്കുകയായിരുന്നു.

നീണ്ട നാള് മണിക്കൂറുകള്‍ രാത്രി ലൈഫ്ബോട്ടില്‍ കഴിച്ചു കൂട്ടിയതിനു ശേഷം മറ്റൊരു കപ്പല്‍ വന്നു രക്ഷപ്പെടുത്തുകയായിരുന്നു. അന്ന് 706 പേരെ ആയിരുന്നു കപ്പല്‍ വന്നു രക്ഷപ്പെടുത്തി ന്യൂയോര്കിലേക്ക് കൊണ്ടു പോയത്.

കൃത്യം 98 വര്‍ഷങ്ങള്‍ക്ക് ശേഷം മില്‍വിന യാത്രയാകുന്നു. നുമോനിയ ബാധിച്ചു ഒരു ആഴ്ചയായി ആശുപത്രിയിലായിരുന്നു. കഴിഞ്ഞ വര്‍ഷം ചികിത്സക്ക് വേണ്ടി അമൂല്യമായ പലതും അവര്ക്കു വില്‍ക്കെണ്ടാതായി വന്നിരുന്നു. അതില്‍ ടൈറ്റാനിക് റിലീഫ്‌ ഫണ്ടില്‍ നിന്നും കിട്ടിയ 'compensation' ലെറ്ററും അന്ന് യാത്ര ചെയ്തിരുന്നപ്പോള്‍ ഉപയോഗിച്ച ഒരു പെട്ടിയും ഉള്‍പെടുന്നു. ലേലത്തില്‍ ഇവ കൈപ്പറ്റിയ ആള്‍ ഇതവര്‍ക്ക് തന്നെ തിരിച്ചു കൊടുത്തിരുന്നു. അതിനിടെ മില്‍വിനയുടെ സാമ്പത്തിക പ്രശ്നം അറിഞ്ഞു ടൈറ്റാനിക് സിനിമയുടെ ഡയറക്ടര്‍ -ഉം അതിലഭിനയിച്ച കാപ്രിയോ, വിന്‍സ്ലെറ്റ്‌ എന്നിവരുമെല്ലാം കൂടി 22000 പൌണ്ട് സംഭാവന ചെയ്തിരുന്നു.

പ്രഭാകരന്‍ മരിച്ച സമയത്തു എടുത്ത ചിത്രങ്ങള്‍

2009-05-30T23:59:00.000-07:00

ഈ ചിത്രങ്ങള്‍ അധികമാരും കണ്ടിട്ടില്ലായിരിക്കും. എല്‍ ടി ടി നേതാവ് വേലുപ്പിള്ള പ്രഭാകരന്‍ മരിച്ചതിനു ശേഷം പ്രദര്‍ശനത്തിനു വെച്ച സമയത്തു എടുത്ത ചിത്രങ്ങളാണിവ.

കമല സുരയ്യക്ക് ആദരാഞ്ചലികള്‍

2009-05-30T20:33:00.000-07:00

മലയാളത്തിന്‍റെ പ്രിയപ്പെട്ട കഥാകാരി മാധവിക്കുട്ടി നമ്മോടു വിട പറയുന്നു. അവര്‍ക്കു ആദരാഞ്ചലികള്‍ അര്‍പ്പിക്കുന്നതോടൊപ്പം അവരുടെ ഒരു കവിത ഇവിടെ കൊടുക്കുന്നു.

കമന്റ്സ് പേജ്

2009-05-29T05:48:00.000-07:00

നമസ്കാരം..നിങ്ങളുടെ അഭിപ്രായങ്ങളും നിര്‍ദേശങ്ങളും ദയവായി ഇവിടെ രേഖപ്പെടുത്തുക. നന്ദി.

കോണ്ടാക്റ്റ്‌ ഫോം

2009-05-29T02:27:00.000-07:00

എഴുതുക ..നിങ്ങളുടെ വിലയേറിയ അഭിപ്രായങ്ങള്‍ അറിയിക്കുക. നന്ദി

&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;a href="http://lafaz.wufoo.com/forms/z7x4m1/" title="Contact Form"&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;Fill out my Wufoo form!&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/a&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;

ആദ്യത്തെ പോസ്റ്റ്

2009-05-25T04:20:00.000-07:00

എനിക്ക് സന്തോഷായി.. മലയാളത്തില്‍ എന്തെങ്കിലുമൊക്കെ എഴുതിയിട്ട് കാലമേറെയായി. അങ്ങിനെ ഇരിക്കുമ്പോഴാണ് ബെര്‍ലി തോമസ്‌ എന്ന് പേരുള്ള ഒരു വഷളന്റെ ബ്ലോഗ് വായിക്കാനിടയായത്. ഞാന്‍ വിചാരിച്ചു ഇവന്മാരെല്ലാം മലയാളം ടൈപ്പ് എഴുത്ത് പഠിച്ച മഹത്മാക്കളാനെന്നാണ്. പിന്നെ അല്ലെ മനസിലായത് ഇത് ഇത്രക്ക് 'കൂള്‍ ആസ് കുകുംബര്‍' പരിപാടിയാണെന്ന്!! മലയാള ബ്ലോഗ്ഗിങ്ങിനെ കുറിച്ചു മനസിലാക്കണമെന്ന് മോഹമുള്ളവര്‍ ഈ ലിങ്കില്‍ ഒന്നു ക്ലിക്ക് പണ്ണിയാല്‍ മതിയാകും.http://malayalam-blogs.blogspot.com/ ............

എപ്പോള്‍ സമയം അഞ്ചു മണി. അന്തിവെയില്‍ അതിന്റെ അവസാന അമ്പും പായിച്ചു സ്ഥലം
കാലിയാക്കാന്‍ ഒരുംബിടുന്നു. ഞാനിതൊന്നും മനസിലാക്കുന്നില്ല എന്ന് കരുതരുത്. ഒരറ്റത്ത്
മഴക്കാറുകള്‍ മുഖം കാണിച്ചു നില്ക്കുന്നു. എന്ന് രാവിലെ മുതല്‍ തുടങ്ങിയതാ മുഖം വീര്‍പ്പിച്ചു
കൊണ്ടുള്ള ഈ നില്‍പ്പ്. ആരോടുള്ള പക പോക്കാനാണീ നില്‍പ്പ് എന്നറിയില്ല..പെയ്യുന്നെന്കില്‍
പെയ്യുക, എനിക്ക് സന്തോഷമാണ് മഴ കണ്ടു നില്‍ക്കാന്‍. പക്ഷെ ഈ നില്‍പ്പ് എനിക്ക് അത്രക്കങ്ങു
പിടിക്കുന്നില്ല..

ഇന്നത്തെ ഓഫീസ് സമയം ഏറെക്കുറെ കഴിയാറായി. ഞാന്‍ എന്റെ മാടത്തിലേക്ക് പോകാനൊരുങ്ങുന്നു.
എന്ന് അഞ്ചരക്കുള്ള വള്ളത്തില്‍ (ബോട്ടില്‍) പോകാനാണ് ഉദേശിക്കുന്നത്. കാറ്റും കൊളുമൊക്കെ
വരുന്നതിനു മുമ്പ് വീട്ടിലെതുന്നതാണ് ബുദ്ധി..

എന്തായാലും ഞാന്‍ എന്ന് ഹാപ്പി ആണ്. കുറെ കാലങ്ങള്‍ക്കു ശേഷം മലയാളത്തില്‍ എഴുതാന്‍
സാധിച്ചല്ലോ. പണ്ടെങ്ങോ ഒരു പ്രേമലേഖനം എഴുതിയതില്‍ പിന്നെ മലയാളം വെറും സംസാരത്തില്‍
ഒതുങ്ങി നില്‍പ്പായിരുന്നു. ഇനി അങ്ങോട്ട് എഴുതുക്കളുടെ ഒരു മലവെള്ള പാച്ചില്‍ തന്നെ പ്രതീഷിക്കാം..

എന്ന് സ്വന്തം